திருநெல்வேலிச் சந்தி ஆடியபாதம் வீதியின் புனரமைப்பு பணிகள் நாளை திங்கட்கிழமை (01.06.2026) முதல் ஆரம்பமாகவுள்ளதாக அறிவிக்கப்பட்டுள்ளது. இதன் காரணமாக திருநெல்வேலி சந்தியிலிருந்து திருநெல்வேலி சந்தை நோக்கிச் செல்லும் ஆடியபாதம் வீதியின் ஒரு பகுதியை செவ்வாய்க்கிழமை (02.06.2026) மற்றும் புதன்கிழமை (03.06.2026) ஆகிய இரு நாட்களில் ஒருவழிப் பாதையாக மாற்றவுள்ளதாக நல்லூர் பிரதேச சபை தெரிவித்துள்ளது.
நல்லூர் பிரதேச சபையின் தவிசாளர் ப. மயூரன் வெளியிட்டுள்ள அறிவிப்பில், குறித்த இரண்டு நாட்களிலும் திருநெல்வேலி சந்தியிலிருந்து சந்தை நோக்கி வாகனங்கள் செல்ல முடியாது என குறிப்பிட்டுள்ளார்.
வியாபாரிகள் இரவு நேரங்களில் பொருட்கள் இறக்குமாறு கோரிக்கை.
வீதிப் புனரமைப்பு பணிகள் நடைபெறும் காலத்தில் அந்தப் பகுதியில் போக்குவரத்து நெரிசல் அதிகரிக்கக்கூடும் என தவிசாளர் தெரிவித்துள்ளார்.
அதற்கு பதிலாக இரவு நேரங்களில் பொருட்களை இறக்கும் நடவடிக்கைகளை மேற்கொள்ளுமாறு வியாபாரிகளிடம் அவர் கோரிக்கை விடுத்துள்ளார்.
பொதுமக்கள் ஒத்துழைப்பு அவசியம்.
பணிகள் நடைபெறும் காலத்தில் தற்காலிக போக்குவரத்து மாற்றங்கள் அமலில் இருக்கும் என்றும் அறிவிக்கப்பட்டுள்ளது.
பணிகள் இடையூறு இன்றி முன்னெடுக்கப்படுவதற்காக பொதுமக்கள், வாகன ஓட்டிகள் மற்றும் வர்த்தகர்கள் முழுமையான ஒத்துழைப்பை வழங்குமாறும் தவிசாளர் ப. மயூரன் கேட்டுக்கொண்டுள்ளார்.
