மட்டக்களப்பு மாவட்டத்தில் தனது 24 வயது மகளிடம் தொடர்ந்து ஆபாசமான மற்றும் ஒழுங்குக்கேடான வார்த்தைகளில் பேசி வந்ததாக குற்றஞ்சாட்டப்பட்ட 60 வயதுடைய தந்தையாரை காவல்துறையினர் பாலியல் கொடுமை சட்டத்தின் கீழ் கைது செய்துள்ளனர்.
குறித்த கைது நடவடிக்கையை நேற்று திங்கட்கிழமை (01) இரவு மட்டக்களப்பு காவல்துறையினர் மேற்கொண்டனர். பாதிக்கப்பட்ட யுவதி, தனது தந்தையார் நீண்ட காலமாக தன்னை மனரீதியாக துன்புறுத்தும் வகையில் ஆபாசமாக பேசி வருவதாக காவல்துறை மா அதிபருக்கு இணையத்தின் ஊடாக முறைப்பாடு ஒன்றை அனுப்பியிருந்தார்.
ஆரம்பக்கட்ட விசாரணையில் வெளிவந்த முக்கிய தகவல்கள்.
அதன்படி, காவல்துறையினர் சம்பவத்துடன் தொடர்புடைய 60 வயதுடைய நபரை காவல் நிலையத்திற்கு அழைத்து விசாரணை நடத்தினர். அவர் மதுபான விற்பனை நிலையம் ஒன்றில் பணியாற்றி வந்ததாகவும் தகவல்கள் தெரிவிக்கின்றன.
, தனது தந்தையாரின் தொடர்ச்சியான ஆபாச பேச்சுகளால் அவருடன் ஒரே வீட்டில் வாழ முடியாத நிலை ஏற்பட்டுள்ளதாக யுவதி குறிப்பிட்டிருந்தார்.
சந்தேகநபரின் கைப்பேசியில் ஆபாச உள்ளடக்கங்கள் கண்டுபிடிப்பு.
ஆரம்பக்கட்ட விசாரணையின் போது காவல்துறையினர் சந்தேகநபரின் கையடக்க தொலைபேசியை பரிசோதித்தனர். அப்போது அதில் அதிகளவிலான ஆபாச படங்கள் மற்றும் காணொளிகள் சேமித்து வைக்கப்பட்டிருந்ததாக தெரியவந்துள்ளது.
இந்த தகவல்கள் விசாரணைக்கு முக்கிய ஆதாரங்களாக அமையக்கூடும் என காவல்துறையினர் தெரிவித்துள்ளனர்.
