முன்னாள் ஜனாதிபதி கோட்டாபய ராஜபக்ச, ஈஸ்டர் ஞாயிறு தாக்குதல் தொடர்பான விசாரணைகளில் பயங்கரவாதத் தடுப்புச் சட்டத்தின் (PTA) கீழ் தன்னை கைது செய்வதைத் தடுக்குமாறு கோரி மேன்முறையீட்டு நீதிமன்றத்தில் மனு தாக்கல் செய்துள்ளார்.
சட்டத்தரணி சனத் விஜேவர்தன ஊடாக தாக்கல் செய்யப்பட்ட இந்த மனுவில், பொலிஸ் மா அதிபர், குற்றப் புலனாய்வு திணைக்களத்தின் பணிப்பாளர் ஷானி அபேசேகர மற்றும் சிஐடி அதிகாரி மாதவ குணவர்தன ஆகியோரை பிரதிவாதிகளாக பெயரிட்டுள்ளார்.
கோட்டாபய ராஜபக்ச தனது மனுவின் மூலம், ஈஸ்டர் தாக்குதல் விசாரணைகளின் அடிப்படையில் தன்னை கைது செய்யக்கூடிய சூழ்நிலை உருவாகியுள்ளதாக சுட்டிக்காட்டி, அதனைத் தடுக்கும் நீதிமன்ற உத்தரவை கோரியுள்ளார்.
PTA கீழ் கைது நடவடிக்கையை தடுக்க நீதிமன்றத்தில் கோரிக்கை.
தன்னை கைது செய்வதோ அல்லது சுதந்திரத்தை கட்டுப்படுத்தும் எந்தவொரு நடவடிக்கையையும் பயங்கரவாதத் தடுப்புச் சட்டத்தின் கீழ் மேற்கொள்ள வேண்டாம் என கோட்டாபய ராஜபக்ச நீதிமன்றத்திடம் கோரியுள்ளார்.
ஈஸ்டர் தாக்குதல் தொடர்பான விசாரணைகள் தொடர்ந்து முன்னெடுக்கப்பட்டு வரும் நிலையில், இந்த மனு அரசியல் மற்றும் சட்ட வட்டாரங்களில் கவனத்தை ஈர்த்துள்ளது.
மேன்முறையீட்டு நீதிமன்றம் இந்த மனுவை பரிசீலித்து எதிர்காலத்தில் வழங்கும் தீர்ப்பு முக்கியத்துவம் வாய்ந்ததாக பார்க்கப்படுகிறது.
