அநுராதபுரத்தில் பௌத்த பிக்கு ஒருவரால் பாலியல் வன்கொடுமைக்கு உள்ளாக்கப்பட்டதாக கூறப்படும் சிறுமிக்கு உடனடியாக நீதி வழங்க வேண்டும் என வலியுறுத்தி மட்டக்களப்பில் போராட்டம் நடைபெற்றது. சமூக ஆர்வலர்கள், பொதுமக்கள் மற்றும் பல அமைப்புகளைச் சேர்ந்தவர்கள் இந்த போராட்டத்தில் கலந்து கொண்டு அதிகாரிகளிடம் விரைவான நடவடிக்கையை கோரினர்.
சிறுமிக்கு நீதி வேண்டும்.
பாதிக்கப்பட்ட சிறுமிக்கான விசாரணையை தாமதமின்றி முன்னெடுத்து, குற்றச்சாட்டுக்கு உள்ளாகியுள்ள பிக்குவிற்கு எதிராக சட்டத்தை பாகுபாடின்றி நடைமுறைப்படுத்த வேண்டும் என போராட்டக்காரர்கள் வலியுறுத்தினர்.
போராட்டத்தின் போது ஜனாதிபதி, நீதியமைச்சர் மற்றும் மனித உரிமைகள் ஆணைக்குழு ஆகியவை நேரடியாக தலையிட்டு சம்பவத்துடன் தொடர்புடையவர்களுக்கு எதிராக கடுமையான சட்ட நடவடிக்கைகளை மேற்கொள்ள வேண்டும்
குழந்தைகள் மீதான வன்முறைகளை தடுக்க அரசாங்கம் உறுதியான செயற்பாடுகளை முன்னெடுக்க வேண்டும் என்றும் அவர்கள் தெரிவித்தனர்.
சட்டத்தை அமல்படுத்த அரசின் நடவடிக்கை.
இதுதொடர்பான விசாரணைகளை அதிகாரிகள் தொடர்ந்து முன்னெடுத்து வருகின்றனர். இதுவரை, இந்த வழக்கில் குற்றச்சாட்டுகள் பதிவு செய்யப்படுமா அல்லது மேலதிக சட்ட நடவடிக்கைகள் எடுக்கப்படுமா என்பது குறித்து எந்த அதிகாரப்பூர்வ அறிவிப்பும் வெளியாகவில்லை.
