2026 ஆம் ஆண்டிற்கான உயிர்க்காப்பு துப்பாக்கி உரிமங்களை புதுப்பித்தவர்களுக்கு புதிய நடைமுறையை இலங்கை பொலிஸார் அறிவித்துள்ளனர்.
தன்படி, உரிமத்தைப் பெற்ற ஆறு மாதங்கள் நிறைவடைந்ததும், உரிமையாளர்கள் தங்களது துப்பாக்கியை அருகிலுள்ள பொலிஸ் நிலையத்தில் சமர்ப்பித்து சான்றிதழ் பெற்றுக்கொள்ள வேண்டும் என அதிகாரிகள் தெரிவித்துள்ளனர். பொலிஸார் துப்பாக்கியின் செயல்பாடு சரியாக உள்ளதா என்பதையும், துப்பாக்கி இலக்கம் உரிமத்தில் குறிப்பிடப்பட்டுள்ள இலக்கத்துடன் பொருந்துகிறதா என்பதையும் பரிசோதிப்பார்கள்.
தேசிய பாதுகாப்பு சபை அறிவுறுத்தலின் பேரில் புதிய நடவடிக்கை.
இந்த புதிய நடைமுறை அமல்படுத்தப்படுவதாக பொலிஸார் தெரிவித்துள்ளனர். உயிர்க்காப்பு துப்பாக்கிகளின் பயன்பாட்டை கண்காணிப்பதற்கும், உரிமம் பெற்ற ஆயுதங்களின் பதிவுகளை முறையாக பராமரிப்பதற்கும் இந்த நடவடிக்கை உதவும் என அதிகாரிகள் நம்புகின்றனர்.
இந்த பரிசோதனைகளை ஒவ்வொரு ஆறு மாதங்களிலும் மேற்கொண்டு சான்றிதழ்களை வழங்க தேவையான நடவடிக்கைகளை எடுக்குமாறு பொலிஸ் அதிபர் அனைத்து உயர் அதிகாரிகளுக்கும் மற்றும் பொலிஸ் நிலையப் பொறுப்பதிகாரிகளுக்கும் அறிவுறுத்தியுள்ளார்.
அருகிலுள்ள பொலிஸ் நிலையத்தில் ஆஜராக வேண்டும்.
2026 ஆம் ஆண்டிற்கான உயிர்க்காப்பு துப்பாக்கி உரிமத்தை புதுப்பித்த அனைத்து உரிமையாளர்களும், ஆறு மாதங்கள் நிறைவடைந்த பின்னர் அருகிலுள்ள பொலிஸ் நிலையத்திற்கு சென்று துப்பாக்கியை பரிசோதனைக்காக சமர்ப்பிக்க வேண்டும் என பொலிஸார் மேலும் தெரிவித்துள்ளனர்.
துப்பாக்கியின் செயல்பாடு மற்றும் இலக்கம் உரிமத்துடன் பொருந்துவதை உறுதிப்படுத்திய பின்னர், அதற்கான அதிகாரப்பூர்வ சான்றிதழை பொலிஸார் வழங்குவார்கள்.
