பெற்றோரின் சொத்துக்களைப் பெற்றுக்கொண்டு பின்னர் அவர்களைக் கைவிடும் பிள்ளைகளுக்கு எதிராக கடுமையான சட்ட நடவடிக்கைகளை அறிமுகப்படுத்த அரசாங்கம் கவனம் செலுத்தியுள்ளது. இது தொடர்பான ஆரம்பக்கட்ட கலந்துரையாடல்கள் தற்போது நடைபெற்று வருவதாக சமூக வலுவூட்டல் பிரதி அமைச்சர் வசந்த பியதிஸ்ஸ சூரியன் தெரிவித்துள்ளார்.
பெற்றோரால் கைவிடப்பட்ட முதியோர்களின் பாதுகாப்பையும் நலனையும் உறுதிப்படுத்தும் நோக்கில் பல்வேறு சட்ட மற்றும் நிர்வாக நடவடிக்கைகளை அரசாங்கம் பரிசீலித்து வருகிறது.
பெற்றோரின் உரிமைகளைப் பாதுகாக்க அரசாங்கம் கவனம்.
பெற்றோரின் சொத்துக்களைப் பெற்றுக்கொண்ட பின்னர் அவர்களைப் பராமரிக்கத் தவறும் அல்லது கைவிடும் பிள்ளைகளிடமிருந்து அந்தச் சொத்துக்களை மீளப் பெறும் வகையில் புதிய சட்டங்களை உருவாக்க அதிகாரிகள் கவனம் செலுத்தி வருகின்றனர்.
பெற்றோரின் சொத்துக்களை அனுபவித்துக் கொண்டு அவர்களைப் புறக்கணிப்பது மனிதாபிமானமற்ற செயலாகும் என்றும், அது அவர்களின் அடிப்படை உரிமைகளை மீறும் நடவடிக்கையாகும் என்றும் பிரதி அமைச்சர் சுட்டிக்காட்டினார்.
முறையிடும் வசதிகளை விரிவுபடுத்தும் நடவடிக்கைகள்.
கைவிடப்படும் பெற்றோர்களின் நலனை உறுதிப்படுத்தவும், அவர்களுக்குச் சொந்தமான சொத்துக்களுக்கு உரிய பாதுகாப்பை வழங்கவும் புதிய திட்டங்களை அரசாங்கம் அறிமுகப்படுத்தவுள்ளது.
இந்த புதிய நடவடிக்கைகள் முதியோர்களின் உரிமைகளைப் பாதுகாப்பதுடன், குடும்பப் பொறுப்புணர்வை வலுப்படுத்தும் என அரசாங்கம் நம்பிக்கை வெளியிட்டுள்ளது.
